عــــــــ طبق السلاطــــــة الخضــــراء ــــــــن

• اعترف زملائي وزميلاتي أنى لا امتلك موهبة الشراء على الإطلاق وساقتني الظروف للذهاب إلى السوبر ماركت لشراء بعض مستلزمات الإفطار لان عائلتي الكريمة سوف تفطر عندي

  ولا أخفيكم أن أول ما لفت نظري هو أسعار مكونات الطبق الرئيس للإفطار الا وو (طبق السلطة الخضراء) فهذا الطبق المتعدد الألوان اصبح فوق مستوى الطبقة المتوسطه وقررت أن اقدم طلب احاطه سريعا للحكومة المصرية احتجاجا واستفسارا !!!!!!! وسرعان ما تراجعت عن ذلك خوفا من المشاكل فهناك مشاكل اكبر من طبق السلطة هناك مشاكل (الاجتماعية والسياسية والاقتصادية والصحية وتعليمية ووووووووووو)

  وبعدين يعني هيه جت على الخيار والطماطم متشغل مخك شويه !!!! انت عايز السلطة تحل مشكله الحكومة !!!! اووووه مش كده !!!!! انت عايز الحكومة تحل مشكله السلطه !!!!!

  انت مش عارف ان الحاجه ام الاختراع !!!! يعني ممكن لو فاضل عندك قليل من اوراق الملوخيه من عزومه امس يمشي حالها حطها بدل الخس  يعني هيه الناس هتركز ما كله لونه اخضر والناس جعانه وتعبانه من الصيام !!!! في عندك صباع محشى غمض عينك واعتبره خيارة وهكذا.

  الحقيقه الفتره القادمه لابد وان يرفع شعار (خيارة لكل مواطن) شعار لذيذ ويرطب على القلب

  ومع غلاء الاسعار انا عارف طبعا مش سهل تحقيق هذا الشعار ابدا بس المحاوله يا شباب فى حد ذاتها مطلوبه.

  بلاش كده !!! طيب ليه طلبه كليه الزراعه ميجتمعوش مع وزارة الزراعه –خصوصا- مستوردي الاسمده المسرطنه لتهجين خيار بالمتر يعني الخيارة تبقى اثنين او ثلاثه متر واهي حاجه تملئ العين وكل اسره مكونه من خمس افراد تاخد متر وهكذا

  ولا اقولك يا عم انا هعتذر لعائلتي على العزومه وزعله وتعدي

   

  وسلامه صحتكم جميعا,,,,,,,

  بقلم :: وليد العدوي