عدد شهر2018/9

بين القديم والجديد .. تتجدد خطوات الخير .. حيث بدأنا 2008

  • التاريخ : 2016-01-09

  • حقا كان ختامه مسك

    يا رب خذ بأيدينا، يا رب بارك في كل صحبتي الجميلة الطيبة، يا رب أكرمهم كما أكرموا هؤلاء المساكين، وادخل السعادة في قلوبهم كما ادخلوها في قلوب المسلمين

    لا اعرف كيف ابدأ ولكني أوجه شكري أولا لله الذي أعطانا القوة حتى استطعنا أن نساعد عباده، ونشكره على أن رزقنا هذا العمل الطيب ثم أوجه شكري

     

    §       لصحبتي واحبائى في الله  وهم :-

    دينا وامنية وزينب ونانسي وأسماء ومنى وراندا وأم فاضلة وغيرهن من الأخوات واللائي قمن بتعبئة الشنط

     

    §       ثم مجموعتي الثانية

    §   وائل ووليد و اسلام و تامرو على وحنان ورندا ونانسى وربيع وشازيا وجمال وفوزى وبعض الاخوة , هؤلاء الذين تحملوا مشقة السفر والتعب وهم صائمين يارب أجرنا خيرا أجمعين على كل ما فعلناه، اللهم أدخلنا الجنة بغير حساب، اللهم ارحمنا وتب علينا، وعلى احبائى هؤلاء، فنحن غلابة وضعفاء وليس لنا إلا سواك، يا الله  يا رب تقبل منا هذا العمل واجعله خالصا لك إلى يوم القيامة

               ـــــــــــــــــــــــــــــــــــــــــــــــــــــــــــــــــــ

    §       كانت آخر قافلة في محافظة بنى سويف في قرية شديدة الفقر تدعى "أبوصير"

    §   تتصوروا أول ما وصلنا لقينا الستات والناس الغلابة قاعدين على الأرض لو بصيت في عنيهم تلاقى جوع وهم ومرض وحزن يا رب أطعمهم وخذ بأيديهم يا رب نشكرك على نعمك وفضلك

    §       والله مش عارفة أقول إيه دا إحنا في نعمة كبيرة قوى

    §   تخيل إن كل الناس دول قاعدين ومستنين شنطة فيها علبة سمنة وشوية أرز وسكر وفاصوليا ومكرونة, وتلاقيهم يجروا عليك وهيتجننوا وخايفين إن الشنط تخلص وتلاقى زحام وستات كبار في السن هيتفعصوا من الزحمة يااااااااااااااااااااااااااااااااااااااااااه قد إيه صعب والله كان نفسي كل واحد منكم كان يكون معانا ويشوفوا المنظر صعب صعب صعب الحمد لله يا رب

    §   الحمد لله وزعنا على كل الناس وانبسطوا قوى وبعدها جلسنا مع أصحاب الجمعية اللي من القرية واللي نظمت لينا اليوم وكان منهم شيخ راجل وجهه ماشاء الله منور اتكلم معانا وشكرنا على هذا العمل وبعدها دعا لينا والله أدعية جميلة قوى قوى والله كانت بمثابة بلسم لمتاعب السفر طول رمضان الحمد لله ورجعنا بالسلامة أنا وصحبتي الطيبة وإحنا ألان بخير

    §       أنا بشكر كل من ساعد معنا بجهودة المادية والمعنوية

    §       ونرجوا منكم الدعاء بحسن الختام

    §   إحنا إن شاء الله مش هنتوقف عن القوافل كل اللي هنعمله كل ما يتوفر لينا مبلغ يمكنا من إننا نسافر بلد ونعمل شنط هنسافر سواء كل شهر او شهرين أو سنة

    §       ونتمنى إن كلكم تكونوا معانا المرة القادمة

     

    الحمد لله على كرمة ونعمتة وعلى ما هدانا إليه أجمعين وصلى اللهم على سيدنا محمد وعلى اله وصبحة وسلم

                                                                                                                                                                    صفاء قطب

    مديرة جمعية الغزالي فرع مصر الجديدة

  • Facebook Twitter Google+


© Copyright 2015 Algazaly association powered by TD.COM.EG